徐志摩诗歌《一条金色的光痕(硖石土白)》 徐志《一条金色的光痕(石土白)》 得罪那，问声点看， 我要来求见徐家格拉太太，有点事体…… 认真则.格拉就是太太.真是老太婆哩、 眼睛赤花，连太大都勿认得哩! 是欧，太太，今朝特为打乡下来欧. 乌青青就出门;田里西北风度来野欧,是欧, 太太，为点事体要来求求太太呀[ 太太，我拉上，东横头，有个老阿太， 姓李，亲丁么……老早死完哩，伊拉格大官官-- 李三官，起先到街上来做长年欧——早几年 成了弱病，田么卖掉，病么始终勿曾好; 格位李家阿太老年格运气真勿好，全靠 场头上东帮帮，西讨讨，吃一口白饭. 每年只有—件绝薄欧棉袄靠过冬欧. 上个月听得话李家阿太流火病发， 前夜子西北风起，我野冻得瑟瑟叫抖。 我心里想李家阿太勿晓得哪介哩。 昨日子我一早走到伊屋里，真是罪过! 老阿太已经去哩，冷冰冰欧滚在稻草里. 野勿晓得几时脱气欧，野呒不入晓得! 我野呒不法子，只好去喊拢几个人来， 有人话是饿煞欧，有人话是冻煞欧， 我看一半是老病，西北风野作兴有点欧;—— 为此我到街上来，善堂里格位老爷 本里一具棺材，我乘便来求求太太， 做做好事，我晓得太太是顶善心欧， 顶好有旧衣裳本格件把.我还想去 买一刀锭箔;我自己屋里野是滑白欧， 我只有五升米烧顿饭本两个帮忙欧吃， 伊拉抬了材，外加收作，饭总要吃一顿欧 太太是勿是?……暖，是欧!暖，是欧! 喔，太太认真好来，真体恤我拉穷人… 格套衣裳正好……喔，害太大还要 难为洋钿……喔，喔……我只得 朝太太一个响头，代故世欧谢谢! 喔，那么真真多谢，真欧，太太…… 本文来源：https://www.wddqw.com/doc/ac73a1bd864769eae009581b6bd97f192379bf03.html